Allt frá við eignuðumst okkar fyrsta Golden hvolp hana Korpu, árið 2001, höfum við haft mikla ástríðu fyrir þessari tegund. Korpa kom frá Súsönnu Poulsen sem er í raun guðmóðir okkar af annarri kynslóð ræktenda Goldena á Íslandi. Á árunum 2001-2010 voru fáir ræktendur á Íslandi að rækta Golden Retriver hunda. Nokkur heilsufarsvandamál voru komin í stofninn og sökum þess hversu fáir ræktendur voru að rækta tegundina á Íslandi, var komin alvarleg hætta á of miklum skyldleika sem getur kallað fram heilsufarsvandamál. Við lögðum því áherslu á að finna góða ræktendur í Evrópu sem áttu langa og góða ræktunarsögu sérstaklega, m.t.t. heilbrigðis og geðslags. Við höfum því flutt inn ræktunarhunda (tíkur og rakka) frá virtum ræktendum í Skotlandi, Austurríki, Spáni og Ítalíu. Þaðan kemur ræktunargrunnurinn okkar sem hefur reynst okkur vel.
Okkar ræktunarmarkmið er að rækta heilbrigða Golden Retriever hunda með gott geðslag. Góða heimilishunda með farsæla heilsufarssögu og góðan sýningarárangur sem bónus en viljum að sjálfsögðu rækta Golden hunda sem eru útlitslega fallegir og góðir fulltrúar samkvæmt FCI staðli tegundarinnar. Okkar hundar hafa margir náð framúrskarandi árangri á sýningum og eru margfaldir sýningameistarar sem við erum mjög stolt af.
Stefnum á að para Romu okkar á móti Skotís Erosi sem kemur úr okkar ræktun og fæddist 2021
.jpeg)
Brandson kom til Íslands í jan. 2024. Hann kemur frá Ria Vela á Spáni og Dylan okkar er langalang afi hans
