Dylan

Heartbreaker de Ria Vela

Dylan, “Heartbreaker De Ria Vela” er fæddur árið 2013 og kemur frá góðri og þekktri ræktun frá Spáni (Ria Vela). Dylan á mörg afkvæmi m.a. á Íslandi,Spáni, Ítalíu og Rússlandi. Dylan er með einstaklega skemmtilegt geðslag og mikla vinnueiginleika. Ria Vela leggur mikla áherslu á skemmtilegt og gott geðslag og þau velja ekki aðra hunda til ræktunar en þá sem standast háar kröfur í skapgerðarmati. Dylan er sýningarmeistari í þremur löndum. Á Spáni, Portúgal og Íslandi. Hann er jafnframt alþjóðlegur sýningameistari og íslenskur öldungameistari. Dylan er forfaðir margra ræktunarhunda Ria Vela í dag sem hafa náð frábærum sýningarárangri um alla Evrópu. Dylan varð tvisvar sinnum stigahæsti Golden hundur á Íslandi (árs árangur) og hann varð nokkrum sinnum deildarmeistari Retriever deildar og vann einnig grúppu 8 á deildarsýningu en þar eru veiðihundar eins og Labrador og Flat Coated Rertievers. Dylan er orðinn öldungur og hættur að sýna og nýtur lífsins með okkur og við svo sannarlega með honum. Ef þið sláið nafnið hans inn í leitarvél t.d. Google (Heartbreaker de Ria Vela) þá getið þið séð ýmislegt um hann og myndir frá því hann var ungur á Spáni.